Андрогогика - ересектерді оқыту туралы ілім - Мои статьи - Каталог статей - Дуйсенбаев Еркин САЙТЫ

Дуйсенбаев Еркин САЙТЫ

Меню сайта
Категории каталога
Мои статьи [109]
Статьи по методике [3]
современные интерактивные методы обучения, инновационные технологии, культура современного урока, методика преподавания предметов
Статьи по воспитанию [0]
Статьи по ПК [0]
Статьи по педагогике [0]
Современная дидактика, теория обучения и воспитания, философия образования
Статьи по менеджменту [0]
Теория управления, система менеджмента, мониторинг и диагностика
Наш опрос
Сайтымды калай багалайсыз?
Барлық жауап: 3907
Главная » Статьи » Мои статьи

Андрогогика - ересектерді оқыту туралы ілім

Андрогогика – ересектерді оқыту ілімі

Экономикалық ынтымақтастық Ұйымының өткiзген конференциясында бiлiктiлiктi арттыру мекемесi маманының моделiне мына төмендегi құзырлылықтарды енгiзедi:

-         мұғалiмдердiң өзiн өзi дамытуын ынталандыру және қолдау;

-         жаңа рольдер мен жауапкершiлiктер қабылдауға дайын болу;

-         мұғалiмдердiң кәсiби әрекетiндегi пайда болатын күрделi жағдайларды шешуге дайын болу үшiн өз бiлiмiн тұрақты заман талабымен сәйкестендiрiп отыру;

-         мектеп практикасындағы проблемаларды шешудiң жолын ұсына бiлу;

-         мектептегi жаңашылдық бастамаларды басқара бiлу, енгiзуге қабiлеттi болу.

Осыған сәйкес ол төмендегiдей ролдь атқаратындығы анықталған: эксперт, нұсқаушы; ұйымдастырушы көмекшi, кеңесшi, идеялар генераторы, катализатор, дәрiскер, провайдер (ғылыми-әдiстемелiк ақпараттар мен технологиялармен қамтамасыз етушi т.б).

Андрагог-педагог ересектердi оқыту технологиясын меңгергенде ғана бұл iс нәтижелi болады. Оған жоғарыда аталып өткен белсендi оқыту әдiстерi мен бағалау, жоспарға коррекция жасап өзгерiстер енгiзе алу, өз бетiнше бiлiм алу жұмыстарын ұйымдастыра бiлу сияқты бiлiмдер керек.

Ең алдымен андрагог-педагог ол өзiн озат тәжiрибенiң, жаңа ақпараттың иеленушiсiмiн деген ойдан арылуы қажет. Ол – кәсiби қарым-қатынасты, тәжiрибе алмасуды ұйымдастырушы, мұғалiмдердiң кәсiби мәндi сапаларының дамуына жағдай жасаушы. Бұл андрагог-педагог педагогикадағы әрекетiнiң мiндеттерi жағынан өзгеше жаңа мамандық деген сөз.

Оларға ең алдымен психо-андрагогикалық диагностика жүргiзiп, оның нәтижесiн шығара алу жатады. Сондай-ақ ғылыми және әдiстемелiк әдебиеттермен жұмыс, компьютердi пайдалана алу – негiзгi шарттардың бiрi.

Андрагог-педагогқа тән қасиет шыдамдылық, төзiмдiлiк, эмпатия, ашықтық, энтузиазм, әдiстмелiк, әртiстiк, ұйымдастырушылық қабiлеттер, сонымен бірге өзiн-өзi жетiлдiрушiлiк қабiлетi жатады. Адамды түсiне бiлу, оның көзқарасын сыйлау, көп пiкiрлiлiктi құрметтеу, тең құқықтылықты мойындау сияқты гуманистiк құндылық бағыттары болуы мiндеттi. Ол қасиет сапаларды андрогог-педагог өз бойында қалыптастыра бiлгенi жөн.

Андрогогика (андрос грекше – ересек адам) – оқыту үрдiсi барысындағы оқытушы мен үйренушiлердiң iс-әрекеттерiн негiздейтiн, ересектердi оқыту туралы ғылым. Андрогогиканың негiзiн салушылар бiлiм беру саласындағы көрнектi американ қайраткерi Малколм Шеппард Ноулз, ағылшын ғалымы Питер Джарвис, американдық ғалым Р.М.Смит. Малколм Шеппард Ноулз 1970 жылы “Ересектерге бiлiм берудiң қазiргi тәжiрибесi” атты еңбегiнде осы бағыттағы iзденiске алғашқы қадам жасады.

М.Ш.Ноулз бойынша “Андрогогика – ересектерге бiлiм алуға көмектесу өнерi мен ғылымы”.

Ал Швейцар зерттеушiсi П.Фюрте “Андрогогика – адамды өмiр бойы қалыптастыру туралы ғылым” деп есептейді.

Андрогогика ғылымының негiзгi шарттары:

1.Өз бiлiм алуындағы жетекшi рөл үйренушiнiң өзiне тиесiлi.

2.Ересек үйренушi өзiн-өзi басқаруға, өзiн-өзi көрсетуге ұмтылады және солай сезiнуi тиiс.

3.Ересек адамда өзiнiң және өзгелердiң үйренуi барысында қажет болуы мүмкiн өмiрлiк тәжiрибесi бар.

4.Ересек адам өмiрлiк маңызы бар мәселелердi шешу мен нақты мақсаттарға жету үшiн бiлiм алады.

5.Ересектер үйренушi оқыту барысында алған бiлiм-бiлiк-дағдыларды кейiнге қалдырмай пайдалануды көздейдi.

6.Ересектердiң оқу iс-әрекетi кейде шектейтiн, кейде көмектесетiн уақыттық, кеңiстiктiк, тұрмыстық, кәсiптiк және әлеуметтiк факторлар арқылы өзгерiске түседi.

7.Ересектердi оқыту үрдiсi оның барлық (жоспарлау, жүзеге асыру, бағалау және түзету) кезеңiнде оқытушы мен үйренушiнiң бiрлескен iс-әрекетi түрiнде ұйымдастырылады.

Синергетикалық басқаруға тікелей ықпал ететін андрогогикалық оқыту моделi педагогикалық оқыту моделiнен көптеген параметрлер бойынша ерешеленедi (М.Ш.Ноулз):

1.Үйренушi тәжiрибесi бiлiмнiң бай көзi болып табылады.

2.Үйренушi алған бiлiмiн бiрден пайдаланады.

3.Оқыту пәнге емес, мәселе шешуге бағытталған.

4.Оқыту үрдiсiн жоспарлау, сұраныстарды анықтау және оқыту мақсаттарын қою бiрлесе жүзеге асырылады.

5.Оқу iс-әрекетi өз тәжiрибесi негiзiнде жаңа бiлiм iздеу технологиясы арқылы жүзеге асырылады.

Оқытудың андрогогикалық қағидалары (С.И.Змеев):

1.Өздiгiнен оқып-үйренудiң басымдығы.

2.Бiрлескен iс-әрекет.

3.Үйренушiнiң тәжiрибесiне сүйену.

4.Оқытуды дараландыру.

5.Оқытудың жүйелiлiгi.

6.Оқытудың контекстiлiгi (А.А.Вербицкий).

7.Оқыту нәтижелерiн өзектендiру.

8.Оқытудың элективтiлiгi.

9.Бiлiм алу мұқтаждығын дамыту.

10.Оқытудың саналылығы.

Категория: Мои статьи | Добавил: erkin_64 (22.08.2008)
Просмотров: 2968 | Рейтинг: 4.5/2 |
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Приветствую Вас Гость

Поиск
Друзья сайта
Статистика

Онлайн всего: 1
Гостей: 1
Пользователей: 0

Copyright MyCorp © 2016
Сделать бесплатный сайт с uCoz